ДЗІВАЦТВА

Пісаў папярэдні пост і знайшоў у сваіх архівах вось такі цікавы фатаздымак))

Перадумовы для развіцця аграмадэрна склаліся яшчэ ў Савецкім Саюзе, але свае развіццё стыль атрымаў пасля развалу СССР. Галоўную ролю ў ягоным развіцці адыгралі калгасніік, якім удалося заняць вядучыя кіруючыя пасады па ўсёй рэспубліке. Дзякуючы ім аграмадэрн з’явіўся ў гарадской архітэктуры і рэстаўрацыі (аб чым будзе наступны пост)

На пачатку 90-х назіраецца пошук стылю, які ідхзе як у свецкай, так і ў царкоўная архітэктуры.

У царкоўным дойлідстве пачаліся эксперыменты з кананічнымі формамі

.

І дзесь да сярэдзіны 90-х выкрышталізаваўся ўзор пабудовы аграмадэрну. Першаснае наватарства праяўлялась ня ў форме, а ў матэр’яле. Самы шык ашалаяваць хату сайдынгам

ці абкласці сілікатнай цэглай

уставіць шклопакункі

У больш заможных людзей аграмадэрн набыў сваю крайнюю форму - панты.

У гарадскім дойлідстве аграмадэрн праявіўся ў так званай “парніковай архітэктуры” (гэта каб было як мага больш шкла і каб яно ўсё блішчала)

Для аграмадэрна характэрна эклектыка (ніхто ж не думае, аб гармоніі, галоўнае, каб было як у людзей)

Дарэчы, новай тэндэнцыяй аграмадэрну з’яўляецц агістарычнасць. Магчыма, гэта ўплыў беларускай школы рэстаўрацыі, якой прасцей зпруйнаваць і пабудаваць муляж, чым захаваць. КАлісьці ў Гародні быў касцёл, пасля прыйшлі бальшавікі і зруйнавалі яго, пасля прыйшлі іх злобныя ворагі - кпаіталісты, і пабудавалі там банк. Банк у формах касцёлу.

Даўно я не пісаў сюды, але зараз пачну цэлы цыкл пастоў, якія будуць прысвечаны такому фенамену сучаснай архітэктуры, як стыль аграмадэрн.

Для пачатку разглядзім асноўныя пастулаты аграмадэрну. Па-першае, гэта мадэрн, а для мадэрну ўласціва наватарства, пошук новых формаў і матэр’ялаў (пустацелая цэгла, газасілікатныя блокі, шлакабетон, сайдынг, шклопакункі). Але існуе 2 асноўных прынцыпа агармадэрну:

1. Каб прыгожа было.

/каб блісцела, каб выглядала па-багатаму і г.д. Прычым прыгажосць успрымаецца даволі суб’ектыўна, у заможных людзей часта выліваецца ў панты.
2. Каб было, як у людзей.

/дадзены прынцып дазваляе распаўсюджвацца вельмі хутка рознаму глупству. “Вунь мае суседзі зрабілі з пакрышак гусей, дык і я зраблю, каб было, як у людзей”

Ёсць у аграмадэрна і свой канон. Эталонам аграмадэрну з’яўляецца Хрусос (ён жа нацыянальная бібліятэка Беларусі). Яго ідэяльная форма - ромбакубактаэдр - ужо больш за 5 год натхняе архітэктараў і скульптараў.

Яго выява сустракаецца на пажарным дэпо ў Горадні

Вось такія ліхтары хрусасіяльнага выгляду ставяць у новых мікрараёнах Менску.

Канцэнтрат стабільнасці на Гомельшчыне.

Чакайце ў бліжэйшы час: Аграмадэрн у архітэктуры, аграмадэрну у рэстаўрацыі і Аграмадэрн у малых архітэкітурных формах.

У 1632 годзе ў Вольна быў заснаваны мужчынскі базыльянскі кляштар. У 1768 годзе пры кляштары быў пабудаваны мураваны храм. У 1840 годзе кляштар скасаваны, на яго базу пераведзены з наваградка праваслаўны жаночы манастыр, які праіснаваў тут да 1873 года, калі быў далучаны да Спаса-Праабражэнскага манастыру ў Менску. Храм жа пасля кпаітальнага рамонту быў пераасвячон у праваслаўную царкву. Гэта адбылося ў 1895 годзе.

Храм -  помнікаў стылю ракако, мае вельмі багатае знешнее і ўнутранае аздабленне. Унікален жа гэты храм тым, што на яго фасадзе знаходзіцца ляпны барэльеф з вайсковай атрыбутыкай.

Ёсць у гэтага храма яшчэ адна цікавая асаблівасць - ён увесь час зачынены, з чым гэта сувязана высветліць та кі не атрымалася.

Вёска Дуды знаходзіцца недалёк ад Іўя, каля Гродзенскай шашы. Касцёл быў пабудаваны на могілках у 1772 годзе на месцы больш старога храму. За савецкім часам касцёл быў перароблены пад склад, аднак ў 1983 годзе быў вернуты вернікам. Храм з’яўляецца аднім з рэдкіх прыкладаў драўляная архітэктуры барока.